AS VOCES DO PAN.PDF

"As voces do pan" é un proxecto criado no seo do colectivo poético "A porta verde do sétimo andar". Baixo a coordinación de Miguel Ángel Alonso Diz xurdiu un proxecto aberto, o obxetivo, dar unha resposta poética a unha emerxencia cívica "Todo vai desaparecendo nun lento proceso que esgalla da propia ialma desta cidade a súa esencia.(...) Que é o que quedará de nós? Quen somos nós? Qué lle deixamos aos nosos fillos?".

Finalmente o proxecto contou coa participación de nove poetas e poetisas. O 28 novembro de 2009, nun acto que tamén se definiu como revindicativo; Miguel Ángel Alonso, Alfonso Láuzara Martínez, Rosanegra, Enrique Leirachá, Cruz Martínez, Celso Alvarez Cáccamo, Alberte Móman, Lois Magariños e Manolo "Pipas"; recitaron os seus poemas ante o público do Café Uf; trece poemas que posteriormente foron editados nun poemario.

XERACIÓN NADA XERACIÓN IDA!

         (unha voz)                                                                  (varias voces)

Xeración marcada                         xeración mantida!
Xeración mercada                         xeración suicida!
Xeración mutilada                         xeración durmida!
Xeración roubada                         xeración rendida!
Xeración afastada                         xeración fuxitiva!
Xeración deostada                        xeración caída!
Xeración enganada                       xeración luída!
Xeración estudada                        xeración destruída!
Xeración castrada                         xeración perdida!
Xeración cegada                           xeración adoecida!
Xeración violada                           xeración estarrecida!


Xeración ancorada neste verso lento...


Xeración de nenos                         xeración a menos!
Xeración de xogos                        xeración sen soños!


A miña xeración...

PECHADOS

Pechados




enclaustrados nas sombras

incrustados nas rochas



baleirados do zume bendito



De este xeito penamos

os nosos delitos…



Vencidos inimigos

caídos, luídos



sostidos polos soños perdidos



cheos de esquecemento

e por suposto esquecidos…



condenados a vagar

cun papel durmido…



De este xeito pagamos

a nosa falta de compromiso.



Castrados, comprados,

ananas sombras

baixo un vento calmo,



orfas cunchas

linguas de trapo,



xeración de covardes

ideais de farrapo,



De este xeito mostramos

o noso rostro máis acedo.



Mentireiros de saldo

mestres da desculpa

e dos amenceres amargos



Magos da nada

e do tempo asasinado



Herdeiros dos degoiros

que outros desexaron



creadores de fume

fornicadores de barro



engaiolados nun circulo

á mercé do amo



De este xeito ficamos

absoluta e definitivamente….



Pechados.

TRAIZÓN E MORTE

TRAIZÓN E MORTE.PDF

O PEREGRINO

     

O PEREGRINO.PDF

Pinchar no texto para descargar o poema

Hoxe estou lonxe do mar
da súa mirada curtida
do seu amable abanicar.

Lonxe tamén da tormenta temida
dos seus negros ollos
espellos da derradeira ferida.

Lonxe tamén dos soños cegos
e das súas fráxiles cores
carrexando esquecidos tempos.

E xa non albisco amores
dende a orela esgotada
que calmen do meu corazón, os ardores.

E xa non sinto a alma cansada
espallándose entre peixes e gaivotas
de elegantes traxes e ollada enloitada.

As embarcacións son illas rotas
no ventre do invisíbel mar,
outra vida, suaves mans rotas.

Hoxe, estou lonxe do mar,
da súa mirada durmida
do seu salino abanicar.

Proximamente : TRAIZÓN E MORTE

Teño no meu interior
un verme que loita
por esgallar do meu leito
a súa esencia.

E loito, loito
polas viuvas virxes
de ollada tristeira

loito para que ese verme
do meu ventre desapareza
e ó cabo non termine
por converterme nunha fría estatua cega.

Loito, loito polos mares
de augas rendidas e negras
que transportan no seu lombo
as palabras que a morte nega.

E rezo, rezo na bocanoite
porque ese verme me esqueza,
rezo polos soños desta terra silandeira.

Teño no meu interior un verme
que ata a lingua senlleira,
con adivais invisibles
que a razón fumega.

E loito, loito
polas fillas durmidas
que viven nas estrelas,

loito dende este cadro
que asemella ser fronteira.


Foto de: Fátima Vale

Querido amigo:
hoxe é un día gris cheo de nubes cansas e tristes, no que os ollos, labrados polas bágoas asemellan silandeiras figuriñas de terra
hoxe os segundos carrexan recordos que van chegando sen permiso até o peito oprimido, e o ecoar das conversas, agora mudas por sempre, vai deixando na orela un arrecendo de esquecemento co que xuro loitar cada día...
hoxe meu querido amigo compartirás mesa na casa dos elixidos, e dende aquí, dende este ceo gris ateigado de nubes orfas envíoche un abrazo.
Seica non é un adeus amigo, senón un deica-logo.

Jose Carlos (5 xuño 2010)

Día das letras galegas

Terras outas e soias!
Serras longas mouras!
Eu son esta coor de soedá
Ancares soñados co lonxe!
Penas de Marco de Meio Mundo en ringuileira do
Candedo ás Moás!
Alto da Lucenza Formigueiros Montouto Pía-Páxaro
Tesos cumes do Courel! Pobos probes
Ardidos de tristura mouros de queimados!
Lor ruxindo polo val pecho!
Ucedo e ucedo!
Fontiñas outas
penedos
carrozos escuros
fragas agros soutos e devesas! Labregos e pastoras
que soio vistes
istes tesos e máis estes vales!
Aturula a curuxa e canta o cuco
Medindo o tempo quedo que se para na cor e tornándose
Contra un ven cravarse no sitio onde máis se sinte!

Serra aberta (Os eidos 2)

Instalação poética “Entre o Livro e a Liberdade”

Instalação poética “Entre o Livro e a Liberdade”, que aconteceu nos dias 23, 24 e 25 de Abril de 2010

"Os poemas erguem-se do chão, como girassóis à procura do leitor."


Participantes:

A.Pedro Ribeiro ( Portugal) ; Seydou Koné (Costa do Marfim ); Carlos Quiroga (Espanha); Rui Spranger ( Portugal); Mário de Oliveira (Portugal); Rosa Enríquez (Espanha); fabio freire ( Brasil); Ivny (Brasil); Nancy Winter-Miranda (Estados Unidos da América); Alberto Momán (Espanha ); Paulo Roberto Sodré (Brasil ); Thalita Covre (Brasil); Maria Amélia Dalvi (Brasil); Artur Alonso ( Espanha ); Maria do Rosário Pedreira (Portugal ) ; Concha Pelayo ( Espanha ); Raúl Campoy Guillén (Espanha ); R.Maluf (Brasil ); José Figueiredo (Portugal); wilbett oliveira (Brasil); Lino (Portugal); Aline Yasmin (Brasil); Helena Branco (Portugal); Luís Maças López ( Espanha ); Michel Sleiman (Brasil); Clara Henriques (Portugal); Vieira Calado (Portugal); Fernando de Castro Branco (Portugal); Saúl Otero (Espanha ); Lucía Delbene Azanza (Uruguai); Rui Tinoco (Portugal); Cristina F.S. (Portugal); Eduardo Baptista (Portugal); Ângelo Reis (Angola); Tiago Montenegro (Portugal); Saul Otero (Espanha); Pat (Portugal); Santos Jiménez (Espanha); J. Carlos Baeza Villarroel (Espanha); Belén Reyes (Espanha); Carmen Sigüenza (Espanha); Jesús Aguilar Marina (Espanha); Julio Luis Robisco Envid (Espanha); Manuel Jurado López (Espanha); Manuel Laespada (Espanha); Andrés García Cerdán (Espanha); Nunes Zarelleci (Portugal) ; Carmô Senna (Brasil); Diana Gomes da Silva (Portugal); Vítor Gil Cardeira (Portugal); Jorge Pimenta (Portugal); André Rei (Portugal); Maria Andresen (Portugal), Gabriela Krüger (Brasil); Silvana Sampaio (Brasil); Virginia Lucas (Uruguai ); Cruz Martínez (Espanha); rosanegra (Espanha); J. Alberte Corral Iglesias (Espanha); Aleta Vieira (Brasil); Laura Alberto (Portugal); tavico (Portugal); R.Brito (Portugal); Ester Abreu Vieira de Oliveira (Brasil); Isidro Iturat (Espanha); António Pirata Pinto (Portugal); Armando Ramalho (Portugal); Fernando Echevarría (Portugal); Alberto Jorge Bernardo (Portugal); Paulo Condessa (Portugal); René Higuera (México); Vítor Gil Cardeira (Portugal); Josefina Maller (Brasil); Ítalo Campos (Brasil); Beatriz Monjardim (Portugal); Ramiro Torres (Espanha); João Gesta (Portugal); Daniel Viana (Brasil); Higino Martins (Portugal); Ângela Carvalho (Portugal); Rui del Pino Fernandes (Portugal); Nuno Moura (Portugal); Nils Ferlin (Suécia); Daniel Maia Pinto Rodrigues (Portugal); valter hugo mãe (Portugal); Joaquim Castro Caldas (Portugal); Nuno Brito (Portugal); Tina Escaja (España/EEUU); Alexandra Malheiro (Portugal); Anónimo (Grécia); Roberto Soares (Brasil); Soaroir de Campos (Brasil); Luís da Mota Filipe (Portugal); João Pedro Mésseder (Portugal); Aurelino Costa (Portugal); Jorge Melícias (Portugal); antónio gonçalves (Portugal); Goulart Gomes (Brasil); Edward Guedes (Portugal); Gil Milheiro (Portugal); Adauto Suannes (Brasil); José João Sardinha (Portugal); Anthero Monteiro (Portugal); Eliana Mora (Brasil); Ivo Machado (Portugal); Eduardo Roseira (Portugal); Leda Maria Lucas (Brasil); Afranio do Amaral (Brasil); Paivi Mustonen (Finlândia); Fernando Magalhães (Portugal); Cynthia Carvalho Martins (Brasil); Marisa Resnitzky (Brasil); Renata Pereira Correia (Portugal); gabriela rocha martins (Portugal); Filipe Pinto da Silva (Portugal); Julião Bernardes (Portugal); Edson Bueno de Camargo (Brasil); Denise Pimentel (Portugal); Fernanda Hott (Brasil); Nolim (Espanha); Constança Lucas (Brasil); Luís Lima (Portugal); João Manuel Ribeiro (Portugal); Vera Roche (Irlanda); João Luís de Medeiros (USA); Joaquim Alves (Portugal); Jussara Midlej (Brasil); Fernanda Hott (Brasil); Catarina Nunes de Almeida (Portugal); José Luís Pinto (Portugal); Flávio Lopes da Silva (Portugal); Helena Carvalho (Portugal); Sara F Costa (Portugal); Gociante Patissa (Angola); Fernando A. (Portugal); Constantino Mendes Alves (Portugal); João Albino (Portugal); Luís Felício (Portugal); sermente (Portugal); Henrique Barroso (Portugal); Paulo Lemos (Portugal); Francisco Coimbra (Portugal); Elisabete Antunes (Portugal); Slavica Anisija (Sérvia); Ana Oliveira (Portugal); Sérgio O Sá (Portugal); Maria José Praça (Portugal); Corsino Fortes (Cabo Verde); José Gil (Portugal); Suzana Guimaraens (Portugal); Cláudia Moreira (Portugal); Carla Campos (Portugal); Alejandro Aura (Espanha); Filipa Leal (Portugal); Júlio Saraiva (Brasil); Jorge Vicente (Portugal); Ana Maria Roseira (Portugal); Miquel Martí i Pol (Espanha); Isaque Ferreira (Portugal); Jesús Losada (Espanha) Cláudio Portella (Brasil); jomaduol (Portugal); Fernando Nunes (Portugal); José Castro Lira (Portugal); Virgílio Alberto Vieira (Portugal); J. C. Jerónimo (Portugal); Sara Évora Ferreira ( Portugal); Céu Lima (Portugal); Manuel Rui (Angola); Rui Machado (Portugal); Ana Paula Tavares (Angola); América Miranda (Portugal); Fernando Pereira (Portugal); Francisco Vieira Nunes (Portugal); pedro marqués de armas (Cuba); Herculano Santos (Portugal); António Ramos Rosa (Portugal); Maria Sousa (Portugal); Sonata Paliulyte (Lituânia); Ivan Strpka (Eslováquia); Petr Borkovec (República Checa); Ruy Belo (Portugal); José Rui Teixeira (Portugal); Rui Agra Amorim (Portugal); Saúl Dias (Portugal); Agustín Sesé (Espanha); Bruno Pereira (Portugal); Walt Whitman (EUA); Luis Bravo (Uruguai); Guita Júnior (Moçambique); Rafael Cadenas (Venezuela); Juvenal (Portugal); Vicente Rodríguez Lázaro (Espanha); José Gil (Portugal); Andrés Cisneros de La Cruz (México); Luís Filipe Cristovão (Portugal); Lêdo Ivo (Brasil); José Coutinhas (Portugal); José Régio (Portugal); Jorge de Sena (Portugal); Anne Ventura (Brasil); Mariano Vaz Limo (Cabo Verde); Charles Roncari (França); Luigi Perin (Itália); Jaime Sabines (México); Álvaro de Campos (Portugal); Musslin Béatrice (França); Xavier Palomares (Espanha); Jorge Contreras Herrera (México); Pedro Tavares (Portugal); Jorge Velhote (Portugal); Marta Boaventura Pinto (Portugal); Helga Moreira (Portugal); João Borges (Portugal); Isabel de Sá (Portugal); J.V. Foix (Espanha); Paulo da Costa Domingos (Portugal); Eduarda Chiote (Portugal); Zé Carlos (Brasil); Ângela Maria Martineli (Brasil); Teresa Maia (Portugal); Francisco José Tenreiro (São Tomé e Príncipe); Manuela Margarido (São Tomé e Príncipe); Antônio Baticã Ferreira (Guiné); Vasco Cabral (Guiné); Filomena Embaló (Guiné); Arvis Viguls (Letónia); Pedro Correia (Portugal); Andrea Blanqué (Uruguai); Alberto Augusto Miranda (Portugal); Ángela Ramos Diaz (Espanha); Silvia Guerra (Uruguai); Artur Alonso (México); fernando martinho guimarães (Portugal); Paulo Campos dos Reis (Portugal); Isabel Rosas (Portugal); Crisódio T. Araújo (Timor Leste); Ricardo Gil Soeiro (Portugal); Alfonso Peña Raigosa (México); Miguel Ángel Alonso Diz (Espanha); Sandro Decottignies Cerqueira (Brasil); Jonás Vergara (Colômbia); Tomás Postiga (Portugal); Nicolás Guillén (Cuba); José Miguel de Oliveira (Portugal); Mia Couto (Moçambique); Gloria de Sant’anna (Moçambique); Luís Carlos Patraquim (Moçambique); Noémia de Sousa (Moçambique); Rui Nogar (Moçambique); Aura Gonçalves (Portugal); Tânia Pinto (Portugal); Osías Stutman (Argentina); Julio Cortázar (Argentina); Alejandra Pizarnik (Argentina); Schreck Mavter – Rattenkrieg (Portugal); Héctor Nuñez Molina (Espanha); Alberto Caeiro (Portugal); Bruno Neiva (Portugal); Tobias Burghardt (Alemanha); José fontes novas (Portugal); Pablo Neruda (Chile); Giannis Aggelakas (Grécia ); Mixáins Katoapós (Grécia); Laurinda Pinto (Portugal); Victor Hugo (França); João Rios (Portugal); Ana Deus

Todo vai chegando a min
neste continuo ir e vir de ondas
que me acompaña

chegan as buguinas, as lembranzas,
chegan as arelas e as pedras

tamén as desgrazas

todo vai chegando a min
co devalo da terra,
as amizades devoradas
as mentiras, as xenreiras

todo vai chegando ao meu corpo
dende a mar silandeira,
mentres eu agardo calmo
coa conciencia lixeira

HOXE É ONTE

Hoxe é onte


A choiva erguera a súa man
con medo a mollarnos


quizais por iso estaba triste…

A noite chegara máis cedo que de costume
e os seus dentes asemellaban estrelas orfas…

Todo era silencio no silencio…

Hoxe é onte

A lúa durmía fora do cadro
porque xa non quedaba pintura para ela

e eu… estaba canso. Estou canso.

Uns ollos vixiaban dende o norte
sementando gotiñas de luz,

pequena esperanza para o verde froito.

Unha barca espida apalpaba a terra
con húmidas lembranzas de sal e escuma.

E as árbores, moi serias,
estaban fartas de tanto conto
e axitaban teimosamente as súas follas
no intento imposíbel de voar lonxe.

Onte é hoxe..

Todo está creado
incluso antes de que eu o imaxinara.

O ceo xa era cárcere antes de que eu nacera,
e as estrelas morren nunha eterna caída
que nunca chega.

O mar está incompleto
e o seu corpo esvaecese nos recunchos dun marco
luído polo azo esborrallado.

Todo é pasado castrado
nesta comitiva de barcos fúnebres
e ollos aboiados.
Onte é hoxe

Por iso non atopo ríos novos
cos que me arrolar
neste infindo e mudo mundo

Todo é silencio no silencio

Os meus segundos son intres de desacougo
que apreixan a alma debuxada

E eu… estou canso. Estaba canso.

Mans constrúen ondas
que veñen morrer xunto a min

E os paxaros gardan a súa voz
cando intúen o meu corpo.

Nada podo facer para cambiar isto

Nada puiden facer

para cambiar isto.

Hoxe é onte.

O peregrino

Comezo
Ilusión
Paso
A
Paso

Primeiras conversas

Primeiras costas

Suor

Paso
A
Paso

O cansazo vaise achegando
paseniño

Paso A Paso

Pensamentos no silencio
pois as conversas
xa ficaron mortas no pasado
das pegadas xa pisadas por outros.

O sol tenta fuxir do cadro
e píntanse as nubes enriba dos ollos case pechados polo esforzo.

Paso a paso
os soños vanse abrindo camiño polos carreiros descoñecidos
e até ese intre durmidos.

Descanso

Alimento

--

E volven as conversas ós beizos húmidos pola choiva que nace
e o camiño torna en regueiro de barro e bágoas

promesas vanse forxando nos corazóns
e o azo parece esmorecer polas fendas das pedras
que serven de guía.

Neste camiño xa andado polo pasado
repasado e calado

volta o silencio os beizos labrados
e unha raiola de sol fuxitivo
bica a nosa pel
antes de morrer na noite

--

Non podo…

Non son quen de…

Pensamentos en resta
escarvan a boa vontade
e o desexo de parar creba as boas palabras.

Medo

O medo medra polos brazos cansos
polas pernas preñadas de fume

Non podo…

Non son quen de…

E a noite asume o seu verdadeiro significado
neses ollos case pechados polo esforzo

e despois…

Durmo…

--

Comezo,

cansazo e ilusión renovada
pernas de pedra en corazóns de aire,
conversas que flotan no baleiro do novo día
transforman as horas en segundos

Un anxo viu a visitarme na noite
e regaloume unha confesión o oído

Ti podes…

E paso a paso
loito contra min mesmo
neste camiño que cada vez sube máis

Chegarei ó ceo?

Paso
A
paso

Morre o tempo
e os km esculpen nos meus pes
dous xigantes inimigos

Volvo a esmorecer…

pero recordo a confesión do anxo:

ti podes

e o seu murmurio lévame nas horas de fértil silencio

Chega a noite de novo e atópame espido ó resío

Seica estou máis cerca de ti
inda que non te vexa…

Durmo

--


Pelexo cos demos que queren converterme en pedra entolecida
e salgo cando o día inda é un pequeno neno sen nome.

Chove , móllome e renazo…
promesas…

promesas no máis absoluto dos silencios

até as pedras calan
cando os meus pés sucan seu corpo

--


Santiago

Ó lonxe xurde un soño
ante os ollos case pechados polo esforzo..

e as pernas perden o sentido
latexan os brazos, as mans, os beizos

e volven as conversas os beizos eternamente
tatuados cun sorriso celestial

Si podo…

Si son quen…

Dou grazas o anxo
apuro case corro
polas
costas
que
asemellan
baixadas

--

Santiago

Berro na praza regada polas bágoas da maior das felicidades.

Santiago

E un anxo pousa os seus dedos nos meus ollos
que xa endexamais estarán pechados polo esforzo.

Luz, vivo, renazo!!!!

Promesas!!!

Eterno gozo…

Santiago…

Non vos enganedes
porque eu son o silencio,
o silencio da noite

(o silencio da morte)

O silencio da pedra que medra
nos teus ollos de terra
como unha campa friorenta
ou unha buguina carrizenta

Non vos enganedes, non,
porque eu son o verbo
que deita no teu lombo
as súas patas medoñentas

(o silencio dos mortos)

E no meu ollar calado
agocho unha dor insostíbel
en eterna fotosíntese…

Non vos enganedes
porque coas miñas mans espidas
sosteño palabras murchas
dun microcosmos inexistente.

(o silencio da morte)

E non dubidarei en pousar
a miña carne finxida
nos vosos beizos engurrados,
para o cabo…
obter un sorriso enloitado.

Non vos enganedes, non,

o silencio da morte fálavos

o silencio dos mortos…

A nosa clase política

Nego dos que din que din
e non din nada
mentres deixan a batalla
na pluma doutros
coma a unha vella abandonada.

Renego dos que fa que fan
e non fan nada
mentres choran polas tabernas
o eterno da súa desgraza.

Nego e renego dos que din que fan
por esta a miña terra amada
mentres enchen os petos
e ensucian a nosa ialma.

Direivos que non!

Direivos que non!
porque si
porque me peta

Direivos que non
dende estes ollos de mirada tristeira.

Porque non quero rendir o meu pincel
a ningunha moeda
nin alimentar ese medo
que nas noite medra.

Direivos que non
porque si
porque me peta

Direivos que non
dende a afastada ribeira

Porque non desexo
que os meus trazos se perdan
no infindo aballoar de voces
que esta casa encerra.

Direivos que non amigos da poesía
Direivos que non amigos da pintura

Direivos que non …

Sinto medrar…
que máis podo pedir?

Sinto medrar en min…
que máis podo pedir?

Sinto medrar en min unha palabra…
que máis podo pedir?


Sinto medrar en min unha palabra que fire…
que máis podo pedir?


Sinto medrar en min unha palabra que fire os meus silenzos
que máis podo pedir?


Que máis podo pedir?

Poemas pequenos -III -

Quen é o tempo?

O tempo é un señor moi vello
de longa barba e neve no cabelo,
que no seu eterno vagar
elevase cara o ceo
levando consigo un reloxo dourado
cheo de caramelos.

Non, non!
ese non é o tempo.

O tempo é un home moi atarefado
que sempre anda correndo,
co seu maletín as costas
endexamais está ledo,

e o seu reloxo asemella sempre canso
e no seu ollar adiviñase o inverno.

Non, non!
ese non é o tempo.

O tempo é unha rapaza ousada
que viste enormes faixas,
a súa face é sempre avermellada
e na súa mirada un sorriso descansa,

e leva consigo un pequeno reloxo
onde os segundos alegres cantan.

Non, non!
ese non é o tempo

O tempo é un neno rebuldeiro
que aínda ten tenra a ollada,
sempre berra moito
e a súa curiosidade non ten parada,

e non sabe o que é un reloxo
e nunca atende a chamadas.