Da man da miña querida amiga Verónica Martínez Delgado (profesora e poeta), tiven a oportunidade de falar cos futuros educadores infantís do centro Ánxel Casal da Coruña.
Tamén coñecín a Vicky, Arturo e Carme.
Ademáis de compartir experiencias ao redor do cullarapo Croque e visionar un corto recen feito que trata sobre como se xestou o libro, puiden achegar a estas marabillosas rapazas e rapaces cales son os obxectivos do libro (lingua-poesía-música-debuxo-educación en valores).
De feito por vez primeira analicei os poemas que conforman o libro. Falei da imaxinación,a creatividade, o respecto as persoas, a vida e o seu sentido, o maltrato (xa sexa físico ou non), a morte, a ausenza, a riqueza de cada idioma, o amor.... e a experiencia persoal de eterno cambio-transformación-renovación que dende a primeira páxina percorre todo o libro.
Un pracer poder achegar a miña visión sobre o libro ás persoas que van traballar con el.
Falei do "Principiño", de "Momo", de "Pequeno azul, pequeno amarelo".
En resumo, unha fermosa oportunidade, que debo agradecer a Verónica, de amosar que a poesía infantil é algo máis que un xogo de palabras.
Un bico a tod@s!
No hay comentarios:
Publicar un comentario