Con portada de Roberto Alonso Diz e a participación de Ana Cibeira, Rosa Enríquez, Alfonso Láuzara, Alba Méndez, Alberte Momán, Mariola Soutelo, Manolo Pipas, Ramiro Vidal e eu mesmo, chega á imprenta a segunda entrega da modesta aportación do colectivo A Porta Verde do Sétimo Andar á literatura galega.
Un novo libro colectivo de poemas, baixo o título de Sétimo Andar, Poesía Alén.
Trazo un zero infinitum no teu corpo
e pode que morra no proceso
seino
mais está na natureza deste animal finxido
que son,
deambular polas rúas dese astro
que ten o teu Nome no seu ventre novo
case recen creado
e inda así…
tan familiar,
e é por todo isto e máis
que trazo un zero infinitum na túa pel
con dedos de tristeza e silencio,
sempre en silencio…
pois temo espertar ó Deus
que durme no teu interior
cos ollos abertos…