jueves, 14 de julio de 2011

A HOSTIA EN VERSO VI


Venres ás 22:00

--------------------------------------------------------------------------------
Lugar Pub Alma. Rua Pobladores, 9. Vigo
--------------------------------------------------------------------------------
Encendidos pola nocturnidade que abrigou o primeiro encontro de Xulieta e o seu Romeo, os Poetas da hostia cítamosvos este venres, 15 de xullo, para revivir a paixón e a fatalidade shakespearianas nunha nova sesión desta velada lírica sen igual bautizada co lema de A hostia en verso.

Os poetas que se baterán en defendesa do nome de Capuletos e Montescos serán Elvira Riveiro, Isaac Xubín, Ledicia Costas, Xabier Xil Xardón, Daniel... Landesa e Daniel Costas Currás. O público, ou sexa, vós, escolleredes o final cos vosos votos, sen importarvos un carallo o que o xenio inglés deixase escrito.
Ou... é que será posible que naza o amor entre os contrarios? Desoirán os impulsivos poetas as coñecidas advertencias do gran William?

Ven comprobalo este venres, no pub Alma da cidade vella que ben podería ser Verona. Con Lucía Aldao e María Lado exercendo de rivais patriarcas e presentadoras, e Mig Seoane facendo música en directo coa intensidade eléctrica coa que o faría Fray Rosendo se daquela existisen as computadoras.

A Hostia en verso VI é recital de poesía, pero é algo máis: un combate entre poetas onde o público decide o equipo gañador.

Esta sesión enmárcase dentro do V Curso de verán de Lingua e Cultura galega para estranxeiros da Universidade de Vigo, pero é unha actividade aberta a todo o que a queira ver de balde. É dicir que estás convidado aínda que ti xa saibas galego e Valença do Minho sexa todo o "estranxeiro" que coñeces.







sábado, 9 de julio de 2011

PRESENTACIÓN "ANTÍTESE NATIVA" EN PONTEVEDRA


Unha situación extrema, unha terra esmorecendo (ou esmorecida)... O zunido dos viraventos imposibilitando o sono cada vez que pousamos a orella no chan. A organización social en tribus. O espectro que toma como propios os xacementos da sociedade da intuición. En "Antítese nativa"; os personaxes percorrer o territorio nun exercicio de gnose; dialogan cos petróglifos e a chatarra ciscada... o fogar é irrecoñecíbel. O libro ten influenzas da recreación espacial de H.G. Wells e Jules Verne na ficción ou de Giuseppe Penone en escultura, na praxe fenoménica New Age que está por todas partes no poemario, o anarquismo primitivista (as imaxes de Carpentier ou de Sèdar Senghor), a revelación bíblica, Yves Bonnefoy, ou a síntese contraria ao que se podería denominar "acto do que nace", do que está por vir...Quizabes algún día vexamos cos nosos propios oolos as imaxes que aquí se encontrarn, aínda que, ben é certo... non semella todo isto... o éxodo presto a comezar?


Hora Luns, 18 de Xullo · 20:30 - 23:30



Lugar Libraría Michelena
--------------------------------------------------------------------------------


Máis información Lanzamento do libro de poemas "Antítese nativa" de Manuel L. Rodrigues... na Libraría Michelena en Pontevedra. O acto, que será o luns 18 de Xullo ás 20:30, contará coa presenza de Ramón Blanco Fernandez (Acha Escrava Editora), Manolo do Río (crítico literario membro do Colectivo Sacou) e o autor Manuel L. Rodrigues.


Farase unha breve presentación e exposición das chaves para comprender o libro, así como un pequeno recital de poemas e sinaturas por parte do autor.


Os interesados poderán poderán mercar, se así o desexan, exemplares do "Antítese nativa" no mesmo acto.














MOITA POESÍA, POUCA DIVERSIÓN (un error, un error)


Hora Sábado, 09 de Xullo · 0:30 - 3:30

Lugar salasón, cangas
--------------------------------------------------------------------------------
Máis información As poetas aldao+lado son as primeiras sorprendidas e emocionadas, por atoparse formando parte do programa da Mostra Internacional de Teatro Cómico e Festivo de Cangas.

Alí estarán, este sábado, en hora golfa golfa, facendo un aldaolado super serio, sen nada de diversión. Coma sempre, vaia.

Diversión asegurada!!

viernes, 1 de julio de 2011

PEGADAS

V.V. A.A.


ISBN: 978-84-15164-44-9
Edita: A Porta Verde do Sétimo Andar


Je vais être sincère -une fois n’est pas coutume-
Voilà:


Je serai content quand on dira
Au téléphone -s’il y en a-t-encore
Quand on dira
V comme Vian…
J’ai de la viene que mon nom ne commence pas par Q
Parce que Q comme Vian, ça me vexerait.

Boris Vian



A partir deste poema de Boris Vian dá comezo a historia dos Q de Vian Cadernos, unha iniciativa do colectivo A Porta Verde do Sétimo Andar, coa que se pretende establecer un punto de encontro entre distintas disciplinas artísticas. Eis Pegadas, o segundo número desta achega, que amosa unha trintena de voces diversas e dispares, reunidas para alentar a necesidade de dicir e de permanecer, nese acto cotiá de soletrear un nome ao teléfono.


Participan:

Aurelino Costa, Asun Estévez, Alberto Augusto Miranda, António Pedro Ribeiro, Baldo Ramos (ilustración), Miguel Ángel Alonso Diz, Bruno Miguel Resende, Artur Alonso Novelhe, Fabián Barreiro, Lino Braxe, Lois Magariños (ilustración), María Elvira Millán Liméns, Concha Rousia, Alberte Momán, Ramiro Vidal Alvarinho, Iolanda Aldrei, Marília Miranda Lopes, Manolo Pipas, Xoán Carlos Domínguez Alberte, Virgilio Liquito, Susana Pazo Maside, Fátima Vale, Alba Méndez, Marta Pedrosa Agra, Eva Méndez Doroxo, Alfonso Láuzara, Xosé Daniel Costas, Xoán’ma Rial Rodríguez, Miguel Alonso Fernández, Pilar Mera Costas, Lucía Novas, Ana Cibeira, María N. Soutelo, Rosa Enríquez, José Fontes Novas, Xavier Vásquez Freire, Xurxo F. Martins